લેઉવા પટેલ સમાજ, ગાંધીનગર - વર્ષ 1982 થી કાર્યરત સંસ્થા
શ્રી સૌરાષ્ટ્ર લેઉવા પટેલ મિત્રમંડળ,ગાંધીનગર
શ્રી સૌરાષ્ટ્ર લેઉવા પટેલ સેવા સમાજ, ગાંધીનગરની નિશ્રામાં ગાંધીનગર શહેર અને જિલ્લામાં વસતા સૌરાષ્ટ્ર લેઉવા પટેલ જ્ઞાતિના પરિવારો વચ્ચે એકસૂત્રતા સ્થપાય, અરસપરસ ભાતૃભાવ વિકસે અને ઉત્તરોત્તર ગુણાત્મક ઉતકર્ષ સધાય તેવા શુભ આશયથી શ્રી સૌરાષ્ટ્ર લેઉવા પટેલ મિત્રમંડળ, ગાંધીનગરની સ્થાપના ઈ.સ. 1989માં સ્વ. શ્રી નાનુભાઈ કથિરિયાની પ્રેરણાથી શ્રી દેવરાજભાઇ પાંભર, શ્રી કુંવરજીભાઇ પટેલ અને શ્રી રમેશભાઈ સવાણીએ વાવેલા આ મડળરૂપી બીજને શ્રી ઠાકરશીભાઈ પટેલે પાણી સીચી ઉગાડયું અને આજ આટલા વર્ષોના જતન પછી તે એક વિશાળ વટવૃક્ષ બનેલ છે.
શ્રી સૌરાષ્ટ્ર લેઉવા પટેલ મિત્રમંડળ એ ગાંધીનગર જિલ્લામાં વસતા આપણી જન્મભૂમિ સૌરાષ્ટ્રના વતની એવા પરિવારોનું એક સંગઠન છે. 182 સભ્યોના પરિવારથી શરૂ થયેલ આ સંસ્થા આજે 495 જેટલા ઘર સુધી વિસ્તરી ને એક વટવૃક્ષ બનેલ છે. હજુ પણ ગાંધીનગર સ્થિત કેટલાક પરિવારો આ સંસ્થાથી અલિપ્ત છે તેને સૌના સહિયારા પ્રયત્નોથી સાથે જોડવાની હૈયે નેમ છે.ગાંધીનગર જિલ્લામાં વસતા સૌરાષ્ટ્ર લેઉવા પટેલ જ્ઞાતિના પરિવાર જનો એકબીજાની વધુ નજીક આવે, સારા નરસા પ્રંસગે એકબીજાને સહાયભૂત થાય, વયસ્ક યુવાન દીકરા દીકરીઓનો સબધ જોડાય અને દૂર દૂરથી આવતા આપણા જ્ઞાતિ બંધુઓને પાટનગરની કચેરીઓમાં કામ કરતા આપણી જ્ઞાતિના અધિકારી/કર્મચારીઓનું માર્ગદર્શન મળી રહે અને મદદરૂપ થવાય તેવી ઉદાત્ત ભાવનાથી આ સંસ્થા કામ કરી રહી છે. કુટુંબ દીઠ ફક્ત રૂ. 200 નું વાર્ષિક લવાજમ લઈને દર વર્ષે વિદ્યાપુરસ્કાર સમારંભ, શરદોત્સવ, નૂતનવર્ષનું સ્નેહ મિલન, વાર્ષિક (ઉજાણી) સંમેલન વગેરે જેવા કાર્યક્રમોનું સફળ આયોજન કરવામાં આવે છે. આનો સઘળો શ્રેય કાર્યકરોનો અથાગ ઉત્સાહ સભર પુરુષાર્થ,કરકસરભર્યો વહીવટ અને સમાજભવન ખાતે ચાલતી વાસણ મંડપ સેવાની વ્યવસ્થાને આભારી છે. વાસણ મંડપ સેવા માટે ગાંધીનગર સ્થિત સમાજના સભ્યો પાસેથી નાણાકીય મદદ માટે ટહેલ નાખતા કુલ 171 સભ્યો તરફથી મળેલ રૂ.4,73,000 ની મદદ્થી વાસણ મંડપ સેવા માટે જોઈતા 2000 વ્યક્તિઓનો જમણવાર થઈ શકે તેટલા રસોડાના કામ માટેના વાસણો,તથા પાગરણ માટે ગાદલા, ઓશિકા અને ધાબળા તથા ટેબલ અને ખુરશીઓની વ્યવસ્થાનું આયોજન કરવામાં આવ્યું છે.
ગાંધીનગર ખાતે વસતા સમાજના સભ્યોની કૌટુંબિક માહિતીનો સમાવેશ થઈ શકે તેવી ડિરેક્ટરી “પરિવાર દર્શન”નો પ્રારંભ પણ સન 1996થી કરવામાં આવ્યો છે અને અત્યાર સુધીમાં તેની સન 1996માં પ્રથમ, 2001માં બીજી 2006માં ત્રીજી, 2011 માં ચોથી અને 2016માં પાંચમી આવૃત્તિ પ્રસિદ્ધ કરવામાં આવી છે.ગાંધીનગર સ્થિત સમાજના સભ્યોના બાળકોને વિદ્યાભ્યાસમાં પ્રોત્સાહન મળે તે માટે દર વર્ષે યોજાતા વિદ્યાપુરસ્કાર સમારંભ માટે વિદ્યાપુરસ્કાર નિધિમાં ભંડોળ એકત્રિત કરવામાં સમાજના સભ્યો તરફથી કુલ રૂ.6,56,522ની સહાય મળેલ છે. આ કાયમી ભંડોળના વ્યાજમાંથી સભ્યોના સંતાનોને અભ્યાસમાં પ્રોત્સાહિત કરવા વિદ્યાપુરસ્કારથી નવાજમા આવે છે.
મંડળની પ્રવૃતિઓ:
મિત્રમંડળને વધુ સંગીન બનાવવા આટલું અચૂક કરીએ.
સમાજની વિવિધ પ્રવૃત્તિઓની કામગીરીમાં સરળતા રહે તે માટે, શ્રી સૌરાષ્ટ્ર લેઉવા પટેલ સમાજ દ્વારા બે અલગ ઘટક સંસ્થાઓ પણ કાર્યવન્ત કરાવેલ છે, એક મિત્ર મંડળ અને બીજુ સહેલી ગ્રુપ, સૌરાષ્ટ્રના મૂળ વતની અને હાલ ગાંધીનગર શહેર અને આસપાસ ના ગામમાં વસવાટ કરતા સૌરાષ્ટ્ર લેઉવા પટેલ સમાજના સમગ્ર પરિવારજનો માટે જ દર વર્ષે ખાસ પ્રોગ્રામોં કરવામાં આવે છે, જે ઘટક સંસ્થા “મિત્રમંડળ“ દ્વારા જ યોજવામાં આવે છે, જે માટેનો નાણાકીયખર્ચ પણ મિત્રમંડળ ના સભ્યો પાસેથી જ દર વર્ષે “વાર્ષિક ફ્રી” ના સરૂપે લેવામાં આવે છે ,
શ્રી સૌરાષ્ટ્ર લેઉવા પટેલ મિત્રમંડળ ગાંધીનગર દ્વારા દર વર્ષે નીચે મુજબના કાર્યક્રમો થાય છે,
અત્રે એ પણ ઉલેખનિય છે કે સમાજ-સંકુલમાં ચાલતા શિક્ષણિક છાત્રાલય નો વહીવટ , સંસ્કૃતિકભવન હોલ અને ભોંયતળિયામાંનું ભોજનખંડ નો વહીવટ તેમજ ગેસ્ટહાઉસનો વહીવટ, આ સમગ્ર કામગીરી શ્રી સૌરાષ્ટ્ર લેઉવા પટેલ સમાજ સંસ્થા દ્વારા જ સ્વતંત્ર રીતે સંભાળવામાં આવે છે.
